Москва облусундагы ишканада көпүрө кулап, 49 кыргызстандык жаран жабыркады (видео)

Россиянын Москва облусунда жайгашкан ишканада жөө жүргүнчүлөр өтүүчү көпүрө кулап, Кыргызстандын 49 жараны жабыркады. Алардын төртөө оор абалда ооруканага жеткирилди.

РИА Новостижарыялаган малыматка караганда,  кырсык 27-сентябрда эртең менен Ступино районундагы «ФМ Лоджистик Сидорово» логистикалык ишканасында болгон.

Кыргызстандын Россиядагы элчилигинин маалыматына караганда, аталган ишканада жалпы 169 кыргызстандык жаран иштечү. Алардын баардыгы мыйзамсыз жана медициналык камсыздандыруусу жок иштеп келишкен. 

Окуя болгон жерде куткаруучулар жана тез жардам кызматы иштеп жатат.