Кыргызстандык мигранттар мекенине кайтып келүү үчүн 10-11-июнда Москвадан орус-казак чек арасы тарапка автобус менен чыгышкан. Автобуска билеттерди 3 миң рублдан сатып алышкан. Бул тууралуу Кыргызстандын Россия Федерациясындагы элчилигинен билдиришти.
Маалыматка караганда, дипломаттар кыргызстандыктардын казак тарап менен макулдашпай туруп чыгып кетүүсүн алдын алышты. Жеринде коронавирус пандемиясынын айынан чек аралар жабык экендиги боюнча түшүндүрүү иштери жүргүзүлдү. Жарандарга Москва шаарындагы хостелдерде күтүп турууга шарт түзүлүп, аларды азык-түлүк менен камсыз кылышууда.
Учурда алдоо жолу менен акча табууну көздөгөн адамдарды тактоо иштери жүрүп жатат. ИИМдин Россиядагы өкүлдөрү автобустун айдоочуларынан мигранттарга билеттин акчасын кайтарып берүүнү өтүнүштү.
Пикирлер (0)
Пикир жок. Сиз биринчилерден болушуңуз мүмкүн