Москвадан Бишкекке 393 кыргызстандык келди

28-июнда Бишкек шаарына Россиянын Москва шаарынан Кыргызстандын 393 жараны кайтып келди. Бул тууралуу ТИМдин басма сөз кызматы билдирди. 

Маалыматка караганда, мекенине орусиялык жогорку окуу жайларында окуган студенттер келишти. 

Мындан тышкары Россиянын аймагына окуу-машыгуу максатында барган пауэрлифтинг боюнча Кыргызстандын курама командасынын мүчөлөрү келишти. Ошондой эле, ооругандар, жакындары каза болгон жарандар алынып келди.

Мекенине кайтып келген жарандар обсервацияга алынды.