Муфтият битир садаканын баасын бекитти (тизме)

Кыргызстан Мусулмандарынын дин башкармалыгы быйылкы жылы берилүүчү битир-садаканын баасын бекитти. Бул тууралуу мекеменин маалымат кызматы билдирди.

Маалыматка ылайык, быйылкы Орозо айында берилүүчү битир-садага 1 адамга 1 килограмм 600 грамм буудайдын баасына барабар. Аны базар баасы менен алганда ар бир адамга 35 сомдон эсептелди.

Буудайдан сырткары ун (1 кг 600 грамм), мейиз (1 кг 600 грамм), арпа (1 кг 600 грамм), курма (3 кг 200 грамм) менен берсе болот. Аны базар баасы менен салыштырганда мейиз – 717 сом, ун – 56 сом, арпа 103 сом болсо, курманын баасы 596 сомду түздү.

Мусулмандар битир-садаганы өз каалоосу менен мечиттерде бере алышат.