Премьер-министри Мухаммедкалый Абылгазиев Россиянын Өкмөтүнүн Төрагасы Михаил Мишустин менен телефон аркылуу сүйлөштү. Бул тууралуу Өкмөттүн басма сөз кызматынан кабарлады.
Маалыматка ылайык, өкмөт башчылар коронавирус инфекциясынын жайылышына байланыштуу маселе, анын таркашына жол бербөө боюнча кабыл алынып жаткан чараларды талкуулашкан.
Ошондой эле, тараптар координациянын жана биргелешип аракеттенүүнун маанилүүлүгүн белгилешип, зарыл маалыматтарды ыкчам алмашуу жана тиешелүү жардамдарды берүү тууралуу макулдашышкан.
Телефон аркылуу сүйлөшүүдө Россиядан келүүчү күйүүчү май, азык-түлүк жана товарларды ташуу мурдагыдай тартипте жүзөгө ашырылып жатканы айтылды.
Пикирлер (0)
Пикир жок. Сиз биринчилерден болушуңуз мүмкүн