Мурдагы Башкы прокурор Өткүрбек Жамшитов азыр кайда?

Бүгүн, 20-апрелде Жогорку Кеңештин тармактык комитети Башкы прокурор Курманкул Зулушевдин отчетун угуп жатат. 

Жыйын жүрүшүндө депутат Зарылбек Рысалиев мурдагы Башкы прокурор Өткүрбек Жамшитов азыркы учурда кайда экенине кызыгып көрдү. 

"Өткүрбек Жамшитовдун кайда экени боюнча менин маалыматым жок. Балким Кыргызстанда. Ага кызыгып деле көргөн жокмун. Анын үстүнө анын кайда экенин билүү үчүн прокуратуранын кызыкчылыгы жок. Ага карата кылмыш иши козголгон эмес. Жөнөкөй жаран катары жашоо өткөрүүдө. Эгер билгендериңиз болсо кайрылсаңыз болот",- деди Зулушев.