Мурдагы өкмөт башчы Абылгазиев мыйзамсыз көп кабаттуу үй куруп жатабы? (видео)

Бишкек шаарындагы "Ата-Түрк" сейил багынын жанында көп кабаттуу үй мыйзамсыз түрдө курулуп жатат. Бул тууралуу "Автор тв" каналы билдирди.

Маалыматка ылайык, курулуштун төртүнчү кабаты башталган.

Бул үйдү сатууга "Залкар" курулуш компаниясы көмөк көрсөтөрүн компания өкүлү билдирген. Бирок көп кабаттуу үй "Четверка" деген компания тарабынан курулуп жатканы айтылат.

Мындан сырткары, бул курулуш мурдагы премьер-министр Мухаммедкалый Абылгазиевдин жана башка тараптар тарабынан курулуп жатканы айтылган.