Мурдагы спикерлерге депутаттардыкындай артыкчылык берүү сунушталды

Жогорку Кеңештин мурдагы спикерлерине "экс-төрага" статусун ыйгарып, депутаттардыкындай артыкчылыктарды берүү сунушталды. Нуржигит Кадырбеков менен Замирбек Мамасадыков демилгелеген мыйзам долбоору Жогорку Кеңештин сайтына коомдук талкууга коюлду.

Документте экс-төрага менен анын жубайына дипломатиялык паспорт берүү, акысыз медициналык кызматтарды алуу жана аэропорттордун, темир жолдордун VIP-залдарын акысыз колдонуу укугу каралган.

Авторлор мындай статус спикерлерге коомдук-саясий турмушка жигердүү катышууга жана саясий системанын туруктуулугун камсыз кылууга мүмкүндүк берерин белгилеген.

Эгер төрага соттолуп кетсе, анда "экс" макамынан ажыратылат.