Мурдагы вице-премьер-министр Тайырбек Сарпашевдин 530 гектар жери мамлекетке өткөрүлдү. Бул тууралуу Финансы полициясынын басма сөз кызматы кабарлады.
Экономикалык кылмыштуулукка каршы күрөшүү боюнча мамлекеттик кызматы Тайырбек Сарпашевдин Токтогул районунда жайгашкан 530 гектар айдоо жана жайыи жерин мамлекетке өткөрдү.
"Мыйзамсыз алынган мүлктү өз ыктыяры менен кайтарып берүү шарттарынын баштапкы баскычы аткарылат. Сотко чейинки процесстер улантылып, анын жүрүшүндө Т.Сарпашевдин калган мүлкүн сатып алуу мыйзамдуулугу боюнча текшерүү иштери жүрүп жатат", - деп айтылат билдирүүдө.
Эске салсак, Сарпашев өзүнө карата ачылган кылмыш ишине байланыштуу мыйзамсыз ээлеп алган 530 гектар жерди өз ыктыяры менен мамлекетке өткөрүп берүүгө макул болгон.
Пикирлер (0)
Пикир жок. Сиз биринчилерден болушуңуз мүмкүн