Чын курандын 04, 2025
Убакыт: 09:12
USD
86.60
87.10
EUR
95.40
96.40
RUB
1.015
1.050

Мурунку “Фламинго” паркынын ордуна заманбап конгресс-холл менен 8 конок үйү курулууда

19.03.2025 09:31
176
Мурунку “Фламинго” паркынын ордуна заманбап конгресс-холл менен 8 конок үйү курулууда


Бишкекте мурунку "Фламинго" паркынын ордуна заманбап конгресс-холл менен 8 конок үйү курулууда. Бул тууралуу президенттин Иш башкармалыгынан билдиришти.


Маалыматка ылайык, президенттин Иш башкармалыгынын башчысы Каныбек Туманбаев бүгүн курулуш иштеринин жүрүшү менен таанышты.


Каныбек Туманбаевдин айтымында, мурда 99 жылга ижарага берилген жердин ордуна азыр заманбап конгресс-хол салынууда. Бул жер мурда ижарага берилгенден кийин 24 жылдын ичинде келишимде белгиленген бир да иш аткарылган эмес.


"Тескерисинче, курулуштар пайдаланууга жараксыз болуп, урап калуу коркунучу жаралган. Ошондой эле эч кандай ыңгайлуу шарттар түзүлгөн эмес. Мындай жагдайда бул аймактын кайрадан жаңыланып, колдонууга берилиши абдан маанилүү", - деди ал.


Белгиленгендей, жаңы курулуп жаткан конгресс-холлдун айланасында эс алуу аянтчалары, аллеялар пайда болуп, маданий иш-чараларды өткөрүүгө шарттар түзүлөт.


Жалпысынан алганда, курулуштун жүрүшү өлкөдөгү инфраструктуранын заманбап талаптарга жооп берип, борбор калаанын жаңылануусундагы маанилүү кадам болуп калат.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн