Чын курандын 04, 2025
Убакыт: 09:31
USD
86.60
87.10
EUR
95.40
96.40
RUB
1.015
1.050

Муздардын эриши менен кооптуу вирус тарашы мүмкүн, - окумуштуу

17.02.2025 09:59
1319
Муздардын эриши менен кооптуу вирус тарашы мүмкүн, - окумуштуу


Муз менен түбөлүк тоң эригенде кошо тарай турчу вирустарга адамзаты даяр эмес. Мындай пикирин РИА Новостиге Нобель сыйлыгынын лауреаты, БУУнун башкы катчысынын климаттын өзгөрүүсү боюнча мурдагы кеңешчиси Рае Квон Чунг билдирди. 


Агенттиктин маектешинин айтымында, мындай вирустар Гренландияда, Канаданын түндүгүндө жана Россияда музда жана түбөлүк тоңдо жашашы мүмкүн. Алар жылдап жаткан муздардын эриши менен сыртка тарашы ыктымал. Окумуштуу адамзат мындай вирустарга каршы турууга даяр эмес деп эсептейт.


"Мен ошондой деп ойлойм, анткени ал жерде кандай вирустар бар экенин билбейбиз да. Күйдүргүнү мисалга алсак болот (оор шарттарда жашап кете ала турган айрым бактериялары тоңдо сакталышы мүмкүн — ред.), андан башкалары да болушу ыктымал", — деген окумуштуу.


Буга байланыштуу илимпоз мындан бир нече жыл мурда жарыяланган илимий докладды эске салган. Изилдөөдө тундрада түбөлүк тоң эрип кеткенде жүздөгөн вирустар чыгышы мүмкүндүгү, алардын айрымдары адамзат үчүн коркунучтуу экени айтылган.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн