Маданият жана искусство мекемелеринде иштегендердин эмгек шарттарын жакшыртуу максатында Маданият, маалымат жана туризм министрлигинин тутумундагы музей кызматкерлеринин эмгек акысы 80 пайызга жогорулатылды. Бул тууралуу Өкмөттүн басма сөз кызматынан билдирди.
Маалыматка ылайык, тиешелүү буйрукка премьер-министр Мухаммедкалый Абылгазиев кол койгон.
Ал эми музей кызматкерлеринин айлык акысын жогорулатуу үчүн Маданият, маалымат жана туризм министрлигинин бюджетине 15 миллион 480 миң сом каралган.
Маалыматка таянсак, мындан мурда маданият жана искусство мекемелеринин айрым категориядагы кызматкерлери үчүн да айлык акыны 80%га жогорулатуу орун алган.
Пикирлер (0)
Пикир жок. Сиз биринчилерден болушуңуз мүмкүн