Мьянмада акыркы 24 саат ичинде аскердик төңкөрүшкө жана мыйзамдуу өкмөт мүчөлөрүн камакка алууга каршы нааразычылык акцияларын таркатуу учурунда 23 адам каза болду.
Мьянманын саясий туткундарга жардам берүү ассоциациясы (AAPP) билдиргендей, ишемби жана жекшемби күндөрү Янгон, Аунбан, Такета, Баго жана Пахоку сыяктуу бир катар ири шаарларда нааразычылык акциялары уланган. Өлкөнүн коопсуздук күчтөрү демонстранттарды таркатуу үчүн чыныгы окторду колдонушкан. Натыйжада 23 адам каза болуп, көптөгөн адамдар жаракат алышкан.
Ошентип, аскердик төңкөрүш башталган күндөн берки нааразычылык акцияларында каза болгондордун жалпы саны 247ге жетти, 2345 адам кармалган, алардын ичинен 1994 адам дагы деле камакта.
Социалдык тармактарда тараган кадрларга караганда, аскер кызматкерлери демонстранттардын үйлөрүнө кирип, тоноп жатышат.
Социалдык тармакка таратылган видеолор өчүрүлүп жатат.
Пикирлер (0)
Пикир жок. Сиз биринчилерден болушуңуз мүмкүн