Бир суткада 6 медик коронавирус жуктуруп алды

Бир сутка ичинде өлкө боюнча 6 медицина кызматкери коронавирус жуктуруп алганы аныкталды. Бул тууралуу 5-июндагы брифингде саламаттыкты сактоо министринин орун басары Нурболот Үсөнбаев билдирди.

Маалыматка ылайык, Бишкек шаарында 2, Ош шаарында 1 жана Нарын облусунда 3 медиктен инфекция табылган.

Ал эми стационарлардан сутка ичинде 2 медкызматкер айыгып чыгарылды. Муну менен оорудан айыккандардын жалпы саны 272 ак халатчанга жетти.

Жалпысынан республика боюнча COVID-19 диагнозу менен медициналык кызматкерлер арасында – 378 учур катталды.