Нарын дарыясына түшүп кеткен 17 жаштагы жигиттин сөөгүн Өзбекстан дагы издөөдө

14-июнь күнү Кум айылында Нарын дарыясына түшүп кеткен 17 жаштагы жигитти Өзбекстандын аймагында издөөдө. Бул тууралуу Өзгөччө кырдаалдар министрлигинен билдирди.

Маалыматка ылайык,  Аксы районунун Үч-Коргон айыл аймагына караштуу Кум айылында 14-июнь күнү Нарын дарыясына түшүп кеткен 17 жаштагы жигитти издөө иш-чаралары туугандарынын ыраазычылык катынын негизинде 16-июнь күнү кечинде токтотулган.

20-июнь күнү ӨКМнын катынын негизинде Өзбекстандын  ӨКМнин 10 куткаруучусу өздөрүнүн аймагында издөө иш-чараларын жүргүзүшкөн.

Издөө иштери бүгүн, 22-июнда улантылары айтылат.