Нарында бороондон улам жолдо калган 7 унаа куткарылды.
Өзгөчө кырдаалдар министрлигинен билдиришкендей, Миң-Булак айыл аймагына караштуу Кара-Кужур – Солтон-Сары унаа жолунун 43-чакырымында 9-март күнү кар жаап, бороондон улам кар күрткүсү пайда болгон.
Мындан улам, жолдо болжол менен 7 оор жүк ташуучу унаалар туруп калгандыгы тууралуу маалымат “112” кызматына маалымдалган.
Жерине Кочкор райондук ӨКБдан 3 куткаруучу, Солтон-Сары алтын кен комбинатынан 3 жүктөгүч тартылып, бүгүн саат 05:30да жол толук тазаланып, жолдо туруп калган 5 оор жүк ташуучу унаа жана 2 Mercedes-Benz (1 спринтер, 1 сапог) үлгүсүндөгү унаалар чыгарылган.
Пикирлер (0)
Пикир жок. Сиз биринчилерден болушуңуз мүмкүн