Нарында коронавирус боюнча жалган маалымат тараткан эки жаран кармалды

Нарын шаарынын тургуну 1994-жылы туулган Д.Э. жана Нарын районунун 1974-жылы туулган К.К. аттуу жараны жалган маалымат таратууга шектелип кармалды. Бул тууралуу Нарын ОИИБинин басма сөз кызматынан билдирди. 

Кечээ, 18-март күнү WhatsApp мессенджери аркылуу "Жерге-Тал айылы" аталышындагы тайпага  15 секундалык видео тарап жаткандыгы жөнүндө маалымат келип түшкөн. Анда " айылга тез жардам кызматы келди, коронавирус катталган окшойт", - деген маалымат айтылган.

Нарын облустук ички иштер башкармалыгынын жана Нарын райондук ички иштер бөлүмүнүн кызматкерлери териштирүү иштери жүргүзүлүп, натыйжада социалдык тармакка тараган видео боюнча териштирүү иштери жүргүзүлүп жатат.