Нарында коронавирустан бир адам каза болду

Өткөн сутка ичинде Нарын облустук ооруканасында 79 жаштагы аял киши COVID-19 инфекциясынан каза болду. Бул тууралуу саламаттыкты сактоо министринин орун басары Нурболот Үсөнбаев 2-июндагы брифингде билдирди.

"Нарын облустук ооруканасында 1941-жылы төрөлгөн аял киши коронавирустан каза болду. Ал 13-майдан бери дарыланып келген. 29-майда жандандыруу бөлүмүнө да жатып чыкты. Абалы оорлошуп кетип, медициналык жардамга карабай өткөн түнү жүрөгү токтоп калган. Анда оорунун көп түрү аныкталып, дарыланып жаткан”, - деди Үсөнбаев.

 Муну менен каза болгондордун жалпы саны 17 кишини түздү.