Нарында мектеп директору коронавирустан каза болду

Нарын шаарында мектеп директору коронавирустан каза болду. Бул маалыматты мэриядан тастыкташты. 

Маалым болгондой, маркум Айчүрөк Самакова  В.П.Чкалов атындагы №2 орто мектебин жетектеп келген. 

Буга чейин 8-июндагы брифингде саламаттыкты сактоо министринин орун басары Нурболот Үсөнбаев Нарын облусунда коронавирустан бир бейтап каза болгонун билдирген. 

"Нарын облустук ооруканасында 67 жаштагы аял каза болду. Бейтап үйүндө дарыланып, 3-4  жумадан кийин кеч кайрылып калган. Кан басымы жогору болгон, мындан сырткары аз кандуулук менен жабыркап келген. Көрсөткөн медициналык жардамдарга карабай, ал COVID-19 илдетинен каза тапты”, - деген Үсөнбаев.