Көмүр кенин мыйзамсыз басып алуу боюнча козголгон кылмыш иши боюнча экспертиза түзүлдү. Мындай пикирин Ош облустук прокуратурасынын кызматкери Улукбек Өмүрзаковдун жактоочусу Назгүл Сүйүнбаева 24.кг агенттигине билдирген.
"Улукбек Өмүрзаков мыйзамсыз кармалган, аны камоого эч кандай негиз жок. Азыркы учурда эч кандай тергөө иштери жүрбөй жатат. Бир айдан ашык убакыт Улукбек жөн эле СИЗОдо отурат. Бул ишке шектүү катары 7 киши кармалган. 3 тергөө менен кызматташууга макул болуп, үй камагына чыккан. Аларды Өмүрзаковго каршы көрсөтмө берүүгө мажбурлап жатат",- деди Сүйүнбаева.
Эске салсак, УКМК Оштогу көмүр кенин мыйзамсыз басып алууга катыштыгы бар деген шек менен прокуратуранын кызматкери Улукбек Өмүрзаковду камакка алган.
Пикирлер (0)
Пикир жок. Сиз биринчилерден болушуңуз мүмкүн