Netflix компаниясы көк бөрү жөнүндө фильм тартты

Белгилүү Netflix компаниясы өлкөлөрдүн маданиятына жана улуттук спорт оюндарына арналган «Алыскы оюн» (Away Game) документалдык тасмасын жаратты. 

Жаштар иштери, дене тарбия жана спорт мамлекеттик агенттигинин маалыматына караганда, тасманын бир бөлүгү кыргыз улуттук оюну көк бөрүгө арналган.

Тасманын ар бир сериясы ар кандай спорттун түрү жана ошол спорттун мекени болгон өлкөнүн маданиятына, жана ошондой эле ошол спорттун түрү кандай маданий жана тарыхий контекстте түзүлгөнүнө арналган.

Бул телеберүү көк бөрүнү дүйнөгө жайылтууда чоң мааниге ээ экендигин эске алып, Жаштар иштери, дене тарбия жана спорт боюнча мамлекеттик агенттик Кыргыз Республикасынын аймагында тасма тартууга көмөк көрсөткөн.

Трейлер Netflix компаниясынын расмий сайтында жайгаштырылды. Биринчи сезондун премьерасы 2020-жылдын 26-июнунда болот.