Ноокатта өзгөчө кырдаал жарыяланды

Ноокат районунда өзгөчө кырдаал жарыяланды. Бул тууралуу өкмөттүн Ош облусундагы өкүлчүлүгүнөн билдиришти.

Өзгөчө кырдаал 20-мартта саат 10:00дөн баштап кабыл алынды. Ага ылайык, Ноокат районунун айылдарында блок-посттор орнотулат. 

Укук коргоо органдары түшүндүрүү иштерин жүргүзүп жатат.  

ИИМдин Ош облустук башкармалыгынан билдиришкендей, посттор Зулпуев айыл өкмөтүнө, Көк-Жар айыл өкмөтүнө, Ноокат шаарына жана Жаңы-Ноокат айыл өкмөтүнө орнотулду. 

Блок-посттордун саны дагы көбөйүшү мүмкүн.