Ноокатта жол кырсыгынан 1 адам каза болду

Ош облусунун Ноокат районунда жол кырсыгы катталып 1 адам каза болду. Бул тууралуу Өзгөчө кырдаалдар министрлигинен билдирди.

Маалыматка ылайык, 28-майда саат 17:50дө Ноокат районунун Мирмахмудов  айыл аймагында Ноокат-Папан унаа жолунун 1-чакырымында "Hyundai Porter" үлгүсүндөгү унаанын айдоочусу рулга ээ боло албай жолдон чыгып кетип, бакты сүзгөн.

Кырсыктын кесепетинен 63 жаштагы киши каза болгон. Куткаруучулар маркумдун жансыз денесин унаадан чыгарышып, тез жардам кызматкерлерине өткөрүп беришкен.