Норвегияда Pfizer коронавирус вакцинасын алган 23 адам каза болду. Бул тууралуу 14-январда чет элдик басылмалар маалымдады.
"Вакцинадан улам пайда болгон ысытма жана жүрөк айлануу сыяктуу жалпы белгилер ден-соолугу начар кээ бир улгайган адамдардын өлүмүнө алып келген", - деп айтылат маалыматта.
Норвегияда эмдөө америкалык Pfizer жана Германиянын BioNTech дары-дармектерин колдонуу менен жүргүзүлгөн. Эмдөө кампаниясы былтыр 27-декабрда башталган. Январь айынын башында эмдөөдөн өткөн эки адамдын өлүмү жөнүндө буга чейин эле айтылган, бирок бийлик алардын өлүмү эмдөөлөргө байланыштуу эместигин тактады. Жалпысынан учурда, өлкөдө 21 миңден ашуун адам вакцинанын биринчи дозасын алышкан.
Пикирлер (0)
Пикир жок. Сиз биринчилерден болушуңуз мүмкүн