Новопавловкада 39 жаштагы жаран өзүнүн аялын өлтүрүүгө шектелүүдө

Сокулук районунун Новопавловка айылында 1992-жылы туулган келиндин жансыз денеси табылган. Бул тууралуу Чүй ОИИБдин басма сөз кызматы кабарлады. 

Маалыматка караганда, 17-май күнү айылдагы үйлөрдүн биринен аялдын жансыз денеси табылган. Милициянын ыкчам чара көрүү кызматы аялдын өздүгүн аныктаган. Ал 1992-жылы туулган Ж.Э. аттуу жаран болуп чыккан. Анын денесинде сабалганы боюнча тактар калган. 

Милиция кылмыш ишин КЖБРне "Киши өлтүрүү" беренеси менен каттап, кылмышка шектүү катары маркумдун жолдошу 1982-жылы туулган О.Н. аттуу жаранды кармаган. 

Азыркы учурда тергөө амалдары жүрүп жатат.