Новопокровкадагы өрткө шектелип 21 жаштагы бала кармалды

Ысык-Ата районундагы сарайдан чыккан өрт фактысы боюнча сотко чейинки өндүрүш иштери жүрүп жатат. Бул тууралуу Чүй облусунун Ички иштер башкы башкармалыгынын басма сөз кызматы билдирди.

Облустук милициянын маалыматы боюнча, 13-декабрда саат 14:46 чамасында нөөмөт бөлүмүнө Новопокровка айылында жайгашкан сарайлардын биринде өрт чыккандыгы тууралуу билдирүү түшкөн.

Окуя болгон жерге барган ыкчам тергөө тобу өрттүн кесепетинен 1995-жылы туулган О.А., 2014-жылы туулган Т.А., 2016-жылы туулган Т.А., жана 2017-жылы туулган Ж.Б. каза болгону аныкталган.

Тергөө иш-чараларынын жүрүшүндө милиция кызматкерлери тарабынан О.А. өрттөнгөн үйдө күйөөсү жана үч баласы менен,  мал карап турушкан. Өрттөн болжол менен бир жума мурун сарайдын ээлери аялдын өтүнүчү менен үйдөгү мешти күйгүзгүсү келген 1999-жылы туулган Т.А. Күйүүчү-майлоочу материалдарды туура эмес пайдалануунун натыйжасында үй толугу менен күйүп кетти.

Бул факты Кылмыш-жаза кодексинин 135-беренеси ("Шалаакылык менен өлүмгө алып келүү") менен бирдиктүү реестрге катталган.

Бул кылмышка шектелип 1999-жылы туулган Т.А. кармалып,  Ысык-Ата районунун Ички иштер башкармалыгынын убактылуу кармоочу жайына киргизилген.

Бардык тиешелүү экспертизалар дайындалды.

Ички иштер башкы башкармалыгынын маалыматы боюнча, өрттөн улам эки баласы жана кошуналарынын бир жашы жете элек баласы менен аял көз жумган.