“Маалыматты манипуляциялоо” жөнүндө мыйзамынын долбоорун мен түшүнүү менен колдодум, деп билдирди Жогорку Кеңештин депутаты Нурбек Алимбеков “Медиа центр” мультимедиалык-маалымат агенттигине берген комментарийинде.
“Мен бул мыйзамды окуп
чыгып, өз баалоом менен колдодум. Аталган мыйзам бизге керек. Анткени, фейк аккаунттарга
багытталган мыйзам. Ал жерде эч кандай сөз укугун басмырлаган белги жок”, -
деди депутат.
Ошондой эле Нурбек
Алимбеков Бишкекте мыйзамдын
долбоорунун кабыл алынышына каршы "#REАКЦИЯ 3.0" деп аталган акция тууралуу
өзүнүн пикирин билдирип, ар бир адам өз оюн айтканга укугу бар экенин белгиледи.
“Ар бир мыйзамдын сөзсүз каршылаштары болот. Каршы чыгып жаткандар болсо ал өз эрки жана алардын аракеттеринен кандай жыйынтык чыгат, мен билбейм”,
- деп кошумчалады парламентарий.
Пикирлер (3)