Окуу жылын 1-сентябрдан баштоо сунушталды

Бүгүн, 15-июнда Жогорку Кеңештин депутаты Дастан Бекешев парламенттин жыйынында окуу жылын адаттагыдай 1-сентябрдан баштоону сунуштады.

Ал мугалимдер да мындай пикирге макул экенин айтты.

"Мага мугалимдер окуу жылын 1-сентябрдан башташ керек деп кайрылып жатышат.

Алардын айтымында, 15-сентябрдан баштаган менен эч кандай өзгөрүү болгон эмес. Тескерисинче, окуучулар 25-майдан кийин окубай коюптур. Ошондуктан быйыл окуу жылын адаттагыдай мезгилде башташ керек", - деди депутат Бекешев.