Кыргызстандын бокс боюнча курама командасы Италияда өткөн лицензиялык турнирде өз оюнун жыйынтыктады.
Бул күндөрү Бусто-Арсицио шаарында Париждеги Олимпиада оюндарына биринчи дүйнөлүк тандоо өтүп жатат.
2024-жылкы оюндарга жолдомо утуп алуу үчүн өз салмак категориясы боюнча ТОП-4кө кирүү керек.
Италияда өткөн турнирде башкы машыктыруучу Данияр Төлөгөн уулу менен улук машыктыруучу Улан Сагынбаевдин жетекчилигинде Кыргызстандан 7 спортчу күч сынашты.
Эң мыкты көрсөткүчтөрдү Сыргак Абдыжапар уулу менен Өмүрбек Бекжигит уулу көрсөтүп, 1/8 финалга чыга алышты. 10-мартта алар чейрек финалга чыгуу үчүн күрөшүп, бирок атаандаштарына утулуп, мелдештен четтеп калышты.
23-майдан 3-июнга чейин Таиландда өтө турган экинчи дүйнөлүк тандоодо кыргызстандык команда Олимпиадага лицензия алуу үчүн дагы бир мүмкүнчүлүк бар.
Учурда Кыргызстандын 5 олимпиадалык лицензиясы бар - Айсулуу Тыныбекова, Айпери Медет кызы, Жоламан Шаршенбеков, Акжол Махмудов (баары күрөш) жана Денис Петрашов (сууда сүзүү).
Пикирлер (0)
Пикир жок. Сиз биринчилерден болушуңуз мүмкүн