Кыргыз эл акыны Омор Султанов менен КР эл артисти Марат Алышпаевди акыркы сапарга узатуу зыйнаты 5-апрелде өтөт. Бул тууралуу Маданият министрлигинен кабарлашты.
2022-жылдын 3-апрель күнү Кыргыз Республикасынын эл акыны Омор Султанов жана 4-апрель күнү Кыргыз Республикасынын эл артисти Марат Алышпаев дүйнөдөн кайтты.
Ал эми залкар инсандарды акыркы сапарга узатуу зыйнаты эртең,5-апрель күнү өтөт.
Кыргыз Республикасынын эл акыны Омор Султановду акыркы сапарга узатуу 2022-жылдын 5-апрель күнү саат 10:00 А. Малдыбаев атындагы Кыргыз Улуттук академиялык опера жана балет театрында, ал эми Кыргыз Республикасынын эл артисти Марат Алышпаевди узатуу 2022-жылдын 5-апрель күнү саат 13:00до Т. Абдумомунов атындагы Кыргыз Улуттук академиялык драма театрында өтөт.
Маркумдардын сөөгү "Ала- Арча" көрүстөнүнө коюулат.
Пикирлер (0)
Пикир жок. Сиз биринчилерден болушуңуз мүмкүн