Он биринчи күн. Жумгалда балык уулоого кеткен эки кишини издөө иштеринде натыйжа жок

Нарын облусунун Жумгал районунда балык уулоого кеткен эки кишини издөө иштеринде натыйжа жок. Бул тууралуу Өзгөчө кырдаалдар министрлигинен билдирди.

Маалыматка ылайык, Жумгал районунда 5-июнь күнү Миң-Куш айылынын 42 жана 43 жаштагы тургундары Өрнөк айылындагы Көкөмерен дарыясына балык кармоого кеткен боюнча дайынсыз болгон жарандарды 15-июнь күнү издөө улантылган. Аларды 20 куткаруучу, ага кошумча жергиликтүү тургундардан 20 адам издеп жатат.

Бүгүн, 16-июнда издөө иштери улантылат.

Эске салсак, буга чейин Жумгал районунда балык уулоого кеткен эки киши дайынсыз болуп жатканы айтылган.