Он экинчи күн. Жумгалда балык уулоого кеткен эки киши табылбай жатат

Нарын облусунун Жумгал районунда балык уулоого кеткен эки кишини издөө иштери уланууда. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, Жумгал районунда 5-июнь күнү Миң-Куш айылынын 42 жана 43 жаштагы тургундары Өрнөк айылындагы Көкөмерен дарыясына балык кармоого кеткен боюнча дайынсыз болгон жарандарды 16-июнь күнү издөө улантылып, натыйжа болгон эмес.

Бүгүн, 17-июнда издөө иштери улантылары айтылат.

Эске салсак, буга чейин Жумгал районунда балык уулоого кеткен эки киши дайынсыз болуп жатканы айтылган.