Ооган бийлиги "Талибан" кыймылы менен бийлик бөлүшүүгө даяр

Ооганстандын расмий бийлиги "Талибан" кыймылы менен кызматташууга даяр. Бул тууралуу орус басылмалары ооган бийлигине таянып билдирди.

Маалыматка ылайык, ооган бийлиги "Талибан" кыймылына болгону бир шарт койгон.

"Биз талибандар менен бийлик бөлүшүп өлкөнүн бүтүндүгүн сактап калууга даярбыз. Болгону талибандар террористтик аракеттерин токтотуусу шарт. 

Ооганстандын келечегин ооган эли чечиши керек",- деп билдирген.

Эскерте кетсек, "Талибан" кыймылы азыркы учурда Ооганстандын көпчүлүк аймагын көзөмөлдөп турат.