Ооган бийлиги талибандардын 21 мүчөсү менен бир лидерин жок кылды

Ооганстандын аба күчтөрү тажик чек арасына жакын жерде "Талибан" кыймылына абадан сокку урду.

Атайын операция Тахар провинциясында өттү.

"Талуканга жакын жайгашкан Сафиха, Поли-Джалад, Ахангара жана Азизхан-Нахр-Чаман айылдарында террористтердин турумдарына кол салуу болду. Натыйжада, алардын лидерлеринин бири менен кошо 21 террорист өлтүрүлдү", - деп билдирди ооган милициясы.

Мындан тышкары, ооган аскерлери Талибандын көптөгөн курал-жарактарын, ок-дарыларын жана шаймандарын жок кылышты.