Ооганстандын президенти Ашраф Гани коронавирустун жайылуусун басаңдатуу үчүн абактагы 10 миңдей кишини бошотууга тапшырма берди. Бул тууралуу чет элдик басылмалар жазышууда.
Маалыматка караганда, Президент Ашраф Ганинин жарлыгына ылайык, атайын түзүлгөн комитет түрмөдөн бошотула турган кишилердин тизмесин аныктайт.
Ооганстандын башкы прокурору Мохаммад Фарид Хамиди абактардан аялдар, оор илдетке кабылгандар жана 55 жаштан жогорку адамдар бошотуларын кабарлаган. Ошол эле маалда бул чечимдин мамлекетке жана эл аралык коопсуздукка каршы кылмыш жасагандар үчүн тиешеси жоктугун айткан.
Ооганстанда 27-мартка карата 90дон ашуун киши коронавирусту жугузуп алып, төрт киши көз жумду.
Пикирлер (0)
Пикир жок. Сиз биринчилерден болушуңуз мүмкүн