Оорунун өтүшүп кетишине жеткирбөө үчүн үймө-үй кыдырууну күчөтүү зарыл, - Өкмөт

Премьер-министр Кубатбек Боронов Республикалык штабдын жыйынында саламаттык сактоо тармагындагы мамлекеттик органдарга бир катар тапшырмаларды берип, күндүзгү стационардагы иштин коопсуздугун камсыз кылуу үчүн жаңы критерийлерди иштеп чыгууну милдеттендирди. 

«Кыска мөөнөттүн аралыгында «Семетей» обсервациялык жайын лабораториялык кызмат жана башка керектүү жабдуулар менен камсыз кылуу боюнча иштерди жүргүзгүлө. Мындан тышкары ыкчам түрдө облустарга компьютердик томография алып берүү боюнча ар кыл варианттарды, ошондой эле мамлекеттик-жеке өнөктөштүктүн алкагындагы сунуштарды карап чыккыла. Аймактарда ооруп жаткан жарандарды аныктоо, алардын абалы оорлошуп, өтүшүп кеткенине жеткирбей, үймө-үй кыдыруу боюнча иштерди күчөтүү зарыл», - деп белгиледи өкмөт башчы.