Опузалап пара талап кылуу жана пара алуу фактысы боюнча Биринчи РИИБнүн тергөөчүсү, лейтенант «А.К.» кармалды. Бул тууралуу УКМКнын басма сөз кызматы билдирди.
Такталгандай, ал Чүй облусунун Аламүдүн РИИБ кызматкери «Д.Б»менен биргеликте өз кызыкчылыктары үчүн, «М.у.Т.» аттуу жаранга сотко чейинки иш бар деп кысым көрсөтүшкөн.
Бирок, алар ишти оңунан чече албай калышып «М.у.Т.» аттуу жаранга 1500 АКШ долларын кайтарып берүүгө аргасыз болушкан. Калган 500 АКШ долларын кайтарып берүү учурунда, Аламүдүн районунун ички иштер башкармалыгынын улук тергөөчүсү “Д.Б” кармалган.
«Бул факт КР Кылмыш-жаза кодексинин 326-беренесинин 1-бөлүмү (Опузалап пара алуу) боюнча кылмыштардын жана жоруктардын бирдиктүү реестрине катталды. Азыркы учурда тиешелүү ыкчам-тергөө иш-чаралар жүргүзүлүүдө», — деп берилет маалыматта.
Пикирлер (0)
Пикир жок. Сиз биринчилерден болушуңуз мүмкүн