Оренбургдун облусунун Соль-Илецк шаарында 70 жаран автоунаалары менен Казакстандын чек арасынын ачылышын күтүп калышты. Бул тууралуу Россиядагы Элчиликтин алдындагы коронавирус илдетинин жайылып кетүүсүнө каршы Штабдан билдирди.
Маалыматка ылайык, 5-май күнү Оренбург облусунда 9 автобус уюштурулуп 519 кыргызстандык медициналык кызматкерлердин коштоосунда Россиянын аймагынан чыгып кетишти.
Ошондой эле, Бузулук шаарында турган жарандардын арасындагы кош бойлуу, жашы жете элек жана улгайган 155 адам жогоруда белгиленген автобуска чыккан.
Ал эми Элчиликтин Консулунун жана кыргыз диаспорасынын активисттеринин түшүндүрмөлөрүнө карабай, ал жерде дагы 70 жаран автоунаалары менен Казак чек арасынын ачылышын күтүп калышкан.
Ал эми мекенине кайткан адамдардын автоууналарын убактылуу коюга Соль-Илецк шаарынын Аскердик бөлүгүнүн унаа коюучу жайы акысыз берилген.
Пикирлер (0)
Пикир жок. Сиз биринчилерден болушуңуз мүмкүн