Орозо айт намазы аянтта жана мечиттерде окулбайт

Орозо айт намазы мечиттерде жана аянтта окулбайт. Мындай билдирүүнү Кыргызстан Мусулмандарынын дин башкармалыгы таркатты.

Ага ылайык, 24-май күнү Орозо айт намазы аянттарда жана мечиттерде окулбайт. Таңкы саат 07:00дон 07:30га чейин “КТРК” телеканалынан Кыргызстан Мусулмандарынын Азирети Муфтийи Максатбек ажы Токтомушевдин Орозо айтка карата куттуктоосу жана кайрылуусу болот

Мындай чечим өлкө аймагында коронавирус инфекциясынын жайылуу коркунучу бүтө электигин эске алуу менен элдин салматтыгы жана коопсуздугу үчүн кабыл алынган.