Орус-украин делегациясынын экинчи сүйлөшүүсү бүгүн уланат

Россия менен Украинанын делегациясы бүгүн, 3-мартта сүйлөшүүлөрдүн экинчи раундун өткөрөт. Бул тууралуу чет элдик маалымат булактары билдирди.

Орус делегациясын жетектеген Владимир Мединскийдин маалыматына караганда, сүйлөшүү Беларусь-Польша чек арасында Беловежск аймагында өтөт.

Сүйлөшүүлөрдүн экинчи раундунда Украинадагы ок атууну токтотууга байланыштуу эки тараптын талаптары талкууланат.