Ош—Бишкек жолунда жеңил унаалар кагышып, 5 адам жабыркады

Ош—Бишкек жолунда жол кырсык катталып, 5 адам жаракат алды. Бул тууарлуу ЖКККББнын басма сөз кызматынан билдиришти.

Маалыматка караганда, окуя бүгүн, 25-августта саат 09:00 чамасында Ош—Бишкек жолунун 83-чакырымында болгон. Анда Бишкекти көздөй келе жаткан “Хундай” үлгүсүндөгү унаа алдында бараткан транспорттон ашам деп, карама-каршы тилкеде келе жаткан “ВАЗ 2104” унаасын сүзүп алган.

Алдын ала маалымат боюнча, кырсыктан 5 адам жаракат алган. Аталган факт кылмыштардын жана жоруктардын бирдиктүү реестрине катталган. Топтолгон материалдар Жайыл райондук ички иштер башкармалыгына өткөрүлүп берилип, тергөө жүрүүдө.