Ош шаарынын мэри Таалайбек Сарыбашов коронавирустун алдын алуу үчүн шаар тургундарын зарылдыгы жок болсо, үйдөн чыкпай туурууну сунуштады. Бул тууралуу Ош шаарынын мэриясынан кабарлашты.
“Шаарда маданий, спорттук иш-чараларды, ар кандай жыйындарды, тойлорду, мааракелерди өткөрүүгө убактылуу чектөө киргизилет. Азыркы учурда өлкөдөгү медициналык кырдаал толук бойдон көзөмөлдө турат. Дүкөн, дарыканалар штаттык тартип менен иштеп жатат”, - деген Сарыбашов.
Ошондой эле, штабдын жыйынында аймактардан кирип-чыккан каттамдарга да убактылуу чектөө киргизилгени айтылды.
Ал эми Ош эл аралык аэропортунун жетекчиси Талантбек Ысаков учурда аэропортто ички каттамдар гана каттап, эл аралык каттамдар убактылуу токтотулгандыгын билдирди.
Пикирлер (0)
Пикир жок. Сиз биринчилерден болушуңуз мүмкүн