Ош базардын айланасын иретке келтирүү уланууда

Бишкек шаардык мэриясы "Ош базарынын" ичиндеги мыйзамсыз соода-сатык иштерин тартипке келтирүү иштерин улантып жатат. Бул тууралуу  Kaktus.media жазды.

Бүгүн мэриянын тийиштүү кызматкерлери базар ичинде мыйзамсыз соода жүргүзүп жаткан соодагерлердин столдорун алышкан. Ал эми соодагерлер столдорун алууга каршы болушкан.

Эске салсак, бүгүн Ленин районунун акиминин биринчи орун басары Алтынбек Маматов "Ош базарындагы" чарба субъектилеринин жетекчилери менен жолукту. Жолугушууда мыйзамсыз соода-сатыкты жоюу, соода орундарын иретке келтирүү жана башаламан соода менен алектенгендерди базардын ичине жайгаштыруу мүмкүнчүлүгү талкууланды.