Бүгүн, 1-ноябрда, Ош жана Жалал-Абад облустарында эки мамлекеттик “Эл Аман” дарыканасы ачылды. Бул тууралуу Саламаттык сактоо министрлиги билдирди.
Дарыканалардын бири Ош облусунун Кара-Суу районунун балдар ооруканасында жана экинчиси Жалал-Абад облустук клиникалык ооруканасында ачылды.
Дарыканада 800дөн ашык аталыштагы дары-дармектин түрү бар. Шаар тургундары дарыларды бул жактан 10-15 пайыз арзан сатып алышат.
“Учурда республика боюнча мамлекеттик дарыканаларды ачуу боюнча иштер жүрүп жатат. Алгач 46 дарыкана ачуу пландалууда. Келечекте дарыканалардагы дары-дармектердин ассортиментин 800дөн 2 миңге чейин көбөйтүү пландаштырылууда”, — деп айтылат маалыматта.
Буга чейин Ош шаарында дагы эки мамлекеттик дарыкана ачылды.
Пикирлер (0)
Пикир жок. Сиз биринчилерден болушуңуз мүмкүн