Ош мэриясында кадрдык дайындоо болду

Ош шаардык мэриясынын аппарат жетекчисинин убактылуу милдетин аткаруучу болуп Осмонов Жалил Акылбаевич дайындалды. Тиешелүү буйрукка Ош шаарынын мэри Таалайбек Сарыбашов кол койду. Бул тууралуу шаардык мэриядан кабарлашты.

 

Жалил Осмонов 1964-жылдын 27-мартында туулган.

1989-2000-жылдары мектептерде мугалим, 2000-2004-жылдары Алай райондук мамлекеттик администрациясында системалык администратор, жалпы бөлүмдүн башчысы, 2008-2012-жылдары Алай райондук кеңешинин депутаты, 2013-жылдан 2016-жылга чейин Өкмөткө караштуу граждандык курулуш департаментинин Алай райондук бөлүмүн жетектеген.

 

2016-2018-жылдары Өкмөттүн Ош облусундагы өкүлчүлүгүндө каржы жана чарба секторунун башчысы, 2018-2019-жылдары “Синжи-Пирим” жоопкерчилиги чектелген ишканасында реализатор, 2019-жылдан бүгүнкү күнгө чейин “Ош Пирим-ОСкен” ЖЧКсында директорлук кызматта иштеп турган.