Ош облусунун аймагында жер титирөө катталды

5-январь күнү Ош облусунун аймагында жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирди.

Сейсмология институтунун маалыматына ылайык, бүгүн саат 19:03тө Ош облусунун аймагында очогунда күчү 4 баллга жеткен жер титирөө катталды. 

Жер титирөө Кара-Кулжа районунун Көк-Арт жана Кан-Коргон айылдарында 3 баллга чейин сезилген. 

Жер титирөөдөн жабыркагандар жана кыйроолор катталган жок.