Ош шаарына башка аймактын тургундары киргизилбейт

Ош шаарына башка аймактын тургундары киргизилбейт.  Бул тууралуу коронавируска каршы күрөшүү боюнча республикалык штабдан кабарлады. 

Маалыматка ылайык, бүгүнтөн тарта Ош шаарына башка райондордон жарандардын кирүүсүнө убактылуу чектөөлөр киргизилүүдө. Мэр Таалайбек Сарыбашовдун буйругуна ылайык, шаарга кире турчу 7 жерге санитардык-карантиндик посттор орнотулду. Бул блок посттордо санитардык кызматтардын кызматкерлери дезинфекция иштерин жүргүзүп, айдоочулардын дене табын өлчөп жатышат. 

Ал эми мэрия жергиликтүү тургундарга өзгөчө зарылчылык жок болсо, шаардан жана үйлөрүнөн чыкпоону эскертет.