Бүгүн, 27-декабрда Ош шаарынын мэринин "Алтын балаты - 2022" аттуу жаңы жылдык балатысы болуп өттү. Бул тууралуу мэриянын басма сөз кызматы кабарлады.
Маалым болгондой, жаңы жылдык балатыга калаадагы аз камсыз болгон үй-бүлөлөрдүн балдары, мүмкүнчүлүгү чектелген, ата-энесиз балдар, жакшы окуган окуучулар болуп жалпы 500 бала катышты.
Бул жылдагы мэрдин балатысы өзгөчөлүктөр менен коштолду. Иш-чара Ош улуттук драма театрында өтүп, имараттын коридоруна жомок каармандарынын 3D форматындагы сүрөттөрү коюлган. Майрамдык концертте балдар сүйгөн жомоктордон сахналаштырылган көрүнүштөр көрсөтүлүп, атайын даярдалган ыр-бийлер менен коштолду.
Ошондой эле, мэр Алмаз Мамбетов балдарды жаңы жылы менен куттуктады. Шаар башчы балдардын окууларына ийгилик каалап, ата-энесин сыйлаган, мекенин сүйгөн инсан болгула деген тилегин айтты.
Иш-чаранын алкагында балдарга жаңы жылдык белектер берилди.
Пикирлер (0)
Пикир жок. Сиз биринчилерден болушуңуз мүмкүн