Ош шаарында Соттук-эксперттик кызматтын жаңы имараты ачылды

Бүгүн, 22-ноябрда Ош шаарында КР Юстиция министрлигине караштуу Соттук-эксперттик кызматтын Түштүк башкармалыгынын жаңы имаратынын ачылышы болду.

Түштүк борбордун басма сөз кызматы билдиргендей, ачылыш аземге Ош шаарынын мэри Алмаз Мамбетов, КР Юстиция министри Аяз Баетов, КР Юстиция министрлигине караштуу Соттук-эксперттик кызматтын төрагасы Иманилла Кочкорбаев, укук коргоо органдарынын, сот органдарынын жетекчилери жана тургундар катышты.

Мэр өз сөзүндө бул кызматтын ар кандай соттук-эксперттик иштерди уюштуруу жана ишке ашыруудагы ордун белгиледи.

Учурда кызмат экспертизанын 7 түрүн жүргүзөт: соттук курулуш-техникалык экспертиза, соттук-бухгалтердик экспертиза, баллистикалык экспертиза, автотехникалык экспертиза, лингвистикалык экспертиза, химиялык экспертиза, кол жазма экспертизасы.