Ош шаарында акыркы 4 күндө бейтаптардын азайганы байкалды

Ош шаарында акыркы 4 күндө оорулуулардын кайрылуулары азайгандыгы байкалды. Бул тууралуу шаар мэри Таалайбек Сарыбашов маалымдады.

Анын айтымында, буга чейин 103 тез жардам бекетине 250-300 чалуулар болсо, өткөн суткада 147 чалуу келип түшкөн. Ал эми 118 колл-борборуна буга чейин 300-400 чалуу болуп турса, өткөн суткада 117 чалуу болгон. 

Мэр белгилегендей, Ош шаарында 118 линиясы боюнча 12 колл-борбор иштеп жатат. Ал жакта кеңеш берүүчү дарыгерлдердин саны 10 адамды түзөт. Бардыгы жогорку категориядагы дарыгерлер, иш тажрыйбалары 10-30 жыл.